Hebreus 9

16 जत्‌यार जागा नाव पर करनेन वायदान पावती तीयार हये, ती जागा नाव पर करन्‌यान मुतन बारामां गवा बी हवणु चाहजे। 17 काहाकी असी जागा वायदान पावती, जागा आपण्‌यु मरे तीत पाक्‌की हवी, ने जत्‌यार लग जागा नावे करन्‌यु जीवतेलु रवे, ती लग जागान पावती नी बणे। 18 हेरेसी जुन्‌डला वायदान पावती बी जनवार्‌या काजे मारीन भगवान अगळ लुही चहड़ावे तीत तीयार हवतेली। 19 तीना जमाना मां जत्‌यार मुसा, कायदान आखा हुकुम माणसे काजे सामळाय देदु, ती चु केवड़ान ने बुकड़ान लुही ठाहराम झेलीन पाणीम भेसकी देदु, ने रातला गाडरान कान्‌या ने जुफा झाड़कान डाळखे करीन चामड़ान बणला कायदान किताप पर ने आखा माणसे पर छाट देदु। 20 ने कह्‌यु, "ज तीना वायदान लुही छे, तीना वायदा काजे पुरो करीन पाळनेन हुकुम भगवान तुहुंं काजे आपलु छे।"