45 ने जु फीलीप्पुस, नतनएल नावेन आपसा दुस्तीदार काजे भेळु हवणे गुयु, ने तीनाक भेळु हय्न कह्यु तीना मसीन बारामां मुसु नीयम मां लिखलु छे ने भगवानेन अघली वात बताड़ने वाळा बी करला, च हामुक जड़ गुयो, चु नासरत सहरेम रहणे वाळु युसुफ्यान पुर्यु ईसु छे।
46 नतनएल फीलीप्पुस काजे कह्यु, "ए नासरत सहर मां सी नीकळी काहनी बी वारलु बरकत उबजी सके काय?"
फीलीप्पुस नतनएल काजे कह्यु, "आवीन देख ले।"
47 ईसु नतनएल काजे हेरे भीणी आवतेलु देखीन कह्यु, "ने तेरा बारामां कह्यु, देखु जु ईस्रायली जातीन खरलु माणुस छे। हेरेमां काय बी खुट नी हय!"
48 नतनएल ईसु काजे कह्यु, "तु मेसेक कसु उळखे?" ईसु तीनाक जपाप आप्यु, "हेरेसी पेहेल की फीलीप्पुस तुसेक बुलायु जत्यार तु अंजीर नावेन झाड़का तळे हतलु तत्यार मे तुसेक देखलु।"
49 नतनएल ईसुक कह्यु, "ए मास्तर" तु भगवानेन पुर्यु छे, "तु ईस्रायली माणसेन राजु छे!"
50 ईसु नतनएल काजे कह्यु, "मे तुसेक वारु कहलु, की तु अंजीर नावेन झाड़का तळे देखलु काय, तु तेरेमां मार पर भुरसु1:50 विश्वास कर रयु? तु हेरेसी बी मटा-मटा काम देखसी!" 51 ईसु तीनाक ने दीसरा चेलाक असु कह्यु, "मे तुहुंंक छाचलीन कहो की तुहुंं सरग काजे उघड़लो, ने भगवानेन सरग वाळा काहवाळ्या काजे माणसेन पुर्यान्चां उतरतेला ने चां सी उपर चहड़तेला देखसु।"
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)