पछु जीवतु हय्न ईसु, तीबीरीयास दर्या धड़े चेला काजे देखाव पड़े
1 तीबीरीयास दरीया धड़े ईसु अळी आपसा चेला काजे ईनी रीती अळी उजेंतु देखाव पड़्यु, 2 एक दाहड़े, सीमोन पतरस, ने थोमा, चु दीद्मुस कह्वाये नतनएल चु गलील जीलान काना सहर वाळु हतलु ने जब्दीन दुय पुर्या ने ईसुन दुय दीसरा चेला, जे आखा भेळात हतला। 3 सीमोन पतरस तीनु काजे कह्यु, "मे ते माछा21:3 मछली मारने जाम। ने चे दीसरा चेला काजे कह्या।"
"हामु बी तारे पुठ्ये आवजे।" ने चे तेरे पुठ्ये चाल पड़्या, ने ढंड्या मां चहड़ीन बठ गुया, बाकुन तीने राते एक बी माछी हात नी लागी। 4 संदारे हवतात ईसु दरीया धड़े आय्न उबु रय गुयु, बाकुन चेला काजे ईसु नी उळख्यु। 5 तत्यार ईसु तीना चेला काजे कह्यु, "ए पुर्या! तुहुंं काजे खाणे करीन एक बी माछी नी धराय काय?" चे चेला जपाप आप्या, "एक बी नी धराय!"
6 तत्यार ईसु तीनु काजे कह्यु, "ढंड्यान जेवड़्ये आंग्ये जाळ नाखु ने तुहुंंक माछा हात लागसे।" चे जाळ नाख्या ने अतरा माछा जाळेम आया की तीनुक जाळ नी हाकलाय।
7 तत्यार चु चेलु, जु ईसुन लाटेकलु चेलु, "कह्वायतेलु, पतरस काजे कह्यु, जु ते आपणु मालीक ईसुत छे।" जत्यार सीमोन पतरस सामळ्यु की जु आपणु मालीक ईसुत छे ती चु नांगरलु हतलु करीन आपसो झगल्यो पेहरी लेदु ने ईसुक भेळु हवणे करीन दरीया मां मामार कुद पड़्यु। 8 बाकुन दीसरा चेला, माछा भरायली जाळ काजे हाकलता जाय्न ढंड्या काजे दरीया धड़े लाया। काहाकी चे दरीया धड़े सी जादा छेटा नी हतला। चे दरीया धड़े सी दुयेक सोव हात छेटा हतला।
9 जत्यार चे ढंड्याम सी उतरीन धड़े भुयमां आया, ती तीनुक चां रुटा ने धपतेला कुयलान ईंगाळा पर माछा मेकला देखाव पड़्या। 10 ईसु तीनु काजे कह्यु, "तुहुंं हींताळ जे माछा धरला छे, तीनु मायन थुड़ाक ली आवु।"
11 सीमोन पतरस पछु ढंड्या मां गुयु, ने जाळ धड़े हाकली लायु। तीनु जाळेम डेड़ सोव ने तीन मटला माछा पड़ला हतला, ने अतरा माछा जाळेम पड़्या तेबी जाळ नी फाटी।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)