ईसु पतरस काजे, हय अळी पछु परम सी बुलावे
15 खायलीन नवराय्न ईसु, सीमोन पतरस काजे पुछ्यु, "ए सीमोन, युहन्नान पुर्या! तु छाचलीन, हींद्रे सी जादा मेसेक परम करे काय?" पतरस ईसुक कह्यु, हव, "मालीक! तु जाणे की मे तारे सी परम करो।"
ईसु सीमोन पतरस काजे कह्यु, "मारा गाडरा चार।" 16 ईसु दीसरी कावा अळी सीमोन पतरस काजे कह्यु, "ए सीमोन, युहन्नान पुर्या! तु छाचलीन मारे सी परम करे काय?" पतरस ईसु काजे जपाप आप्यु,
"हव, मालीक! तु जाणे की मे तारे सी परम करो।"
ईसु पतरस काजे कह्यु, "मारा गाडरान गुवाळी21:16 राखवाळी कर।" 17 ईसु अळी तीसरी कावा, पतरस काजे कह्यु, "ए सीमोन, युहन्नान पुर्या! तु छाचलीन मेसेक परम करे काय?"
ईसु पतरस काजे तीसरी कावा ज पुछ्यु की तु छाचलीन मारे सी परम करे काय? करीन तीनाक बेसको दुख लाग्यो। ने पतरस ईसु काजे कह्यु, "मालीक! तुसेक आखी वात मालम छे, तु जाणे की मे तारे सी छाचलीन परम करो।"
ईसु पतरस काजे कह्यु, "मारा गाडरा काजे चार।"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)