ईसु पाप काजे छुड़ने बारामां सीकाड़े
31 जे यहुदी माणसे ईसु पर भुरसु कर्या, तीनुक कह्यु, "कदी तुहुंं मारा बुल मांनीन रवसु, ती छाचलीन मारा चेला बण जासु। 32 तुहुंं छाचाय काजे जाण लेसु, ने छाचाय तुहुंंक गुलामी मां सी छुड़ाय देसे।"
33 चे ईसु काजे कह्या, "हामु ते अब्राहमेन अवल्यात छे, ने हामु कदी काहनान बी गुमाली नी कर्या। ती तु असु कसु कह्वे की छाचाय तुहुंंक गुलामी मां सी छुड़ाय देसे।"
39 चे ईसु काजे जपाप आप्या, "हामरु बास ते अब्राहम छे।" ईसु तीनुक कह्यु,
"कदी तुहुंं अब्राहमेन अवल्यात रवता ती चत काम करता च अब्राहम करलु। 41 तुहुंं ते खरला बासेन तसु नी, बाकुन तुंद्रा दीसरा बासेन तसु वेहवार कर रया।"
चे ईसु काजे कह्या, "हामु छीनाळा सी पयदा नी हया; हामरु एकुत बास छे, ने चु भगवान छे।"
42 ईसु तीनु यहुदी माणसेक कह्यु, "भगवान तुंद्रु बास नी हय। कदी भगवान तुंद्रु बास रवतु, ती तुहुंं मेसेक उळखीन परम करता काहाकी मे मारी मरजी सी नी आयु। बाकुन भगवान मेसेक मकेल्लु छे। करीन मे भगवान बासेम सी नीकाळीन आवलु छे, ने मे हय जां हजुर छे। 44 तुहुंं आपसा बास भुतड़ा सी छे, ने आपसा बासेन मरजी काजे पुरी करने हींडी र्या। हयु ते पेहलुत सी हत्यारु छे, ने छाचलु बणीन नी रयु, काहाकी छाचाय तेरेमां हय नी। जत्यार हयु झुट बुले, ती आपसा हीयान मनेम सी बुले, काहाकी हयु झुटु अतरुत नी हय, बाकुन आखी भातीन झुटेन बास झुटु छे,
59 ज सामळीन यहुदी माणसे ईसुक मारने करीन दगड़ा8:59 पत्थर ईछी लेदा बाकुन ईसु मंदीर मां सी कळेन जाती र्यु।