11 तीनी टेमे जकर्यु वेदी पर धुणी देणे बाजी रवलु, ने मालीक भगवानेन एक सरग वाळु काहवाळ्यु तीनाक वेदीन जेवड़्ये आंग्ये देखाव पड़्यु। 12 ने तीना भगवानेन सरग वाळा काहवाळ्या काजे देखीन जकर्यु बेसकु बीहीन सीयारी ली लेदु; 13 बाकुन सरग वाळु काहवाळ्यु जकर्या काजे कह्यु, "ए जकर्या बीहे मां, तारी दुवा भगवान सामळी लेदु, ने तारी घरवाळी एलीसीबान एक पुर्यु हवसे, तु तेरो नाव युहन्ना पाड़जी। 14 तु खुस हवसी ने पुर्यु हयु करीन बेसका माणसे खुसी हवसे। 15 चु युहन्नु, मालीक-भगवानेन नींगा मां बेसकु मटु कहवायसे, ने अंगुरेन दारु ने काहनी बी नस्यान चीज नी पीये; ने चु आपसी मायन कुखेम सीत चुखली-आत्मा सी भरायलु रवसे। 16 ने ईस्रायेली जातीन बेसका माणसेन मन मालीक-भगवान भीणी पछु आळसे। 17 मालीक भगवान वाटे एक भुरसु करे असा असामी तीयार करने करीन चु युहन्नु मालीक-भगवान अगळ-अगळ चालसे। ने एलीया धड़े जु भगवानेन चुखली-आत्मा ने जुर हतलु, तेरेत साहरे युहन्नु ज काम करसे बासे-बासेन मन आपसा पुर्या-पारी भीणी आळसे; ने हुकुम नी माने तीनु काजे खरला धरम पर चालाड़नेन समज आपसे।1:17 मलाकी 4:5,6"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)