उजाड़्या पुर्यान दाखलान साहरे ईसु माणसेक सीकाड़े
11 अळी ईसु एक दीसरु दाखलु सामळायु, काहनाक एक माणसेन दुय पुर्या हतला। 12 एक दाहड़ु नानलु पुर्यु हेरा बास सी आवीन कह्यु, ए बास! माल धनेन जु मारु वाटु छे, चु मेसेक आप दे। अतराम तेरु बास दुय पुर्याम तींद्रु वाटु पाड़ देदु। 13 थुड़ाक दाहड़ा हय गुया ने अळी नानलु पुर्यु आपसा आखा धनेन हीस्सु वेच देदु, ने पयस्या भेळा करीन काहनाक दीसरा देसेम लांबेत जाती र्यु, ने चां चु आपसा आखा पयस्या गलत काम मां उजाड़ देदु।15:13 नीतीवचन 29:3 20 ती चु असु वीच्यार करीन आपसा बासेन घर भीणी चाल पड़्यु। हय चु आपसा बासेन घर सी छेटेस हतलु, की तेरु बास तीनाक देख लेदु,
ने चु गीण-दया सी भराय गुयु। ने आपसा पुर्या काजे भेळु हवणे करीन चु दवड़ीन गुयु ने तीनाक गळे लागाड़्यु, ने तीनाक बेसकु गुळा देदु। 22 बाकुन बास आपसा पावर्याक बुलायु, ने तीनुक कह्यु, उतवाळास जाय्न आखाम सी वारु पुथल्या लाय्न ईना मारा पुर्याक पेहरावु, एक मुंदी हातेन आंगळी मां पेहरावु ने पाये मां खासड़ा पेहरावु। 24 काहाकी मारु जु पुर्यु मर गुयलु, बाकुन हय जीवतु हय गुयु। चु खुवाय गुयलु, बाकुन हय जड़ गुयु। ती अळी खुसीन पाल्टी सुरु हय गुय।