20 ती चु असु वीच्यार करीन आपसा बासेन घर भीणी चाल पड़्यु। हय चु आपसा बासेन घर सी छेटेस हतलु, की तेरु बास तीनाक देख लेदु,
ने चु गीण-दया सी भराय गुयु। ने आपसा पुर्या काजे भेळु हवणे करीन चु दवड़ीन गुयु ने तीनाक गळे लागाड़्यु, ने तीनाक बेसकु गुळा देदु। 21 ती पुर्यु तीनाक कह्यु, बास! मे सरग वाळा भगवानेन वीरुद मां ने तारे वीरुद मां पाप करलु छे। मे तारु पुर्यु कवायणेन हकदार्यु नी हय। 22 बाकुन बास आपसा पावर्याक बुलायु, ने तीनुक कह्यु, उतवाळास जाय्न आखाम सी वारु पुथल्या लाय्न ईना मारा पुर्याक पेहरावु, एक मुंदी हातेन आंगळी मां पेहरावु ने पाये मां खासड़ा पेहरावु। 23 ने अळी आपणु आखाम वारलु केवड़ु लाय्न मारु। ने एक मट्ली पंगत देसु, ने खुसी मनावसु। 24 काहाकी मारु जु पुर्यु मर गुयलु, बाकुन हय जीवतु हय गुयु। चु खुवाय गुयलु, बाकुन हय जड़ गुयु। ती अळी खुसीन पाल्टी सुरु हय गुय।