ईसु आंदळा माणुस काजे वारु करे
35 जत्यार ईसु यरीहो सहर धड़े आवणे बाजी रवलु, ती एक आंधळु सयड़क धड़े बसीन चां मायन आवणे-जाणे वाळा धड़े भीक मांगणे बाजी रवलु। 36 माणसेन टुळा काजे जातला ने पायेन चाल सामळीन चु आंधळु माणसेक पुछणे बाजी गुयु, च आखो काय हवणे बाजी रयो।
37 माणसे तीना आंदळा काजे बताड़ देदा की, "ईसु नासरी जां मायन जाणे बाजी रयु।"
38 तत्यार आंधळु जु कवतु जाय्न जुर सी आयड़्यु, "ए ईसु! दावुदेन अवल्यात! मारे पर दया कर।"
39 चे तीना आंदळा अगळ-अगळ जाणे बाजी रवला, चे तीना आंदळा काजे हुगु रय जां करीन झीचकारतेला, बाकुन चु आंधळु अळी बी जुर सी असु आयड़तेलु, "ए दावुदेन अवल्यात मारे पर दया कर।"
40 तत्यार ईसु उबु रय्न माणसेक हुकुम आप्यु की हीनाक मारे धड़े ली आवु ने जत्यार चु धड़े आयु ती ईसु तीनाक पुछ्यु। 41 "तुसेक काय चाहजे? की मे तारे वाटे करो?"
चु आंधळु कह्यु, "ए मालीक मे अळी देखणे हींडो।"
42 ईसु तीनाक कह्यु, "ती तु देखणे लाग, ने जां, तारु भुरसु वारु कर देदलु छे।"
43 तत्यारुत चु देखणे लाग गुय। ने चु भगवानेन गुण गावतु जाय्न ईसु पछळ चाल देदु। ने ज देखीन आखा माणसे भगवानेन गुण गाया।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)