ईसु साते कुरुस पर चहड़ावलु डाकु भगवान भीणी मन फेरवे
39 ईसु साते कुरुस पर टांगायला गुनेगार्या मायन एक ईसुन नाव-बद्दी करतु जाय्न पुछ्यु "तु भगवानेन नेवाड़लु छुड़ावणे वाळु नी हय काय? हय ती आपसाक ने हामुक बचाड़ ले।"
40 बाकुन दीसरु गुनेगार्यु झीचकारीन कह्यु, तुसेक भगवान सी ईतरोक बी बीहाणो नी लागतो काय? तु बी ते हयुत नीयावेन डंड भुकतणे बाजी रयु। 41 तु ने मे ते डंड आपे असात छे, जो आपणु कर्या तेरो फळ आपणुक जड़ रयो; बाकुन जु माणुस काय बी गुनु नी कर्यु, "ने गुना पाखुर नीयावेन डंड झेल र्यु।" 42 अळी चु ईसुक कह्यु, ए मालीक ईसु! जत्यार तु राजु बणीन राज करे, "ती मारी हेर राख्जी।"
43 ईसु तीनाक पछु कह्यु, "मे तुसेक छाचलीन कवो की, तु आजुत मारे पुठ्ये सरगे मां रवसी।"
ईसुन कुरुस पर मरनु
(मत्ती 27:45-56; मरकुस 15:33-41; युहन्ना 19:28-30)