Lucas 6

ईसु सुकला हात वाळा माणुस काजे वारु करे

6 ईसु काहनेस दीसरे आरामेन दाहड़े भगवानेन भक्‌तीन घर मां जाय्‌न वात सामळावणे बाजी रवलु। ने चां एक माणुस हतलु, तेरु जेवड़्‌यु हात सुकी रवलु। 7 यहुदी नीयम सीकाड़न्‌या ने फरीसी माणसे ईसुन गलती नीकाळने तकाय रवला, की ईसु आरामेन दाहड़े सुकला हात वाळाक वारु करे की नी करे 8 बाकुन ईसु तींद्‌रा वीच्‌यार जाणीन सुकला हात वाळाक कह्‌यु, "उठ ने ईचमां उबु हय गुया।" चु उठीन ईचमां उबु हय गुयु। 9 ईसु तीनु माणसे काजे कह्‌यु, मे तुहुंंक पुछो-आरामेन दाहड़े काय करनु वारु छे, भलाय करनु वारु छे की कुहराय करनु वारु छे, "ने जीव बचाड़नु वारु छे की मारनु वारु छे?" 10 ती ईसु तीनु आखा माणसे पर नींगा नाखीन ईसु तीना माणुस काजे कह्‌यु, "तारु हात लांबु कर।" चु हात लांबु कर्‌यु ने तेरु हात वारु हय गुयु।