31 बाकुन मे ईनी पीड़ीन माणसे काजे कसु उळखो? ने कुणीन तसा छे करीन कह्वो? 32 हीया हाटे मां बठी रवण्या पुर्यान तसा छे, जे आंबा-सांबा आयड़ीन कहें; की हामु तुंद्रे वाटे नाचाड़ने करीन पावळी आजाड़्या, ने तुहुंं नी नाच्या, हामु तुंद्रे वाटे रड़ने कलपणेन गीत गाया बाकुन तुहुंं नी रड़्या। 33 काहाकी बपतीस्मा आपण्यु युहन्नु रुटु बी नी खादु ने अंगुरेन रस बी नी पीदु, ने तुहुंं मेसेक कय रया की हेरे भुतड़ु लाग र्यु करीन। 34 अळतेन माणसेन पुर्यु बणीन आयु, ने खातु-पीतु आय र्यु; ने तुहुंं कहुं, देख हयु माणुस; हीजेरलु ने पीण्यु छे, ने फाळु लेण्यान ने पापी माणसेन दुस्तीदार छे। 35 बाकुन भगवानेन अकल, भगवानेन आखा पुर्या-पारी वाटे, पुरावा भेळे उजेंती हवणे बाजी रय।
ईसु फरीसी माणसेन घर मां पापी बायरी काजे माफ करे
36 काहनुस फरीसी माणसे ईसु काजे आपसे घर खाणेन वीन्ती कर्यु; ती ईसु तीना फरीसी माणसेन घर आवीन रुटा खाणे बठ्यु। 37 ने सामळु, तीना सहरेन एक पापी बायर काजे ज मालुम हय गुयो की ईसु फरीसी माणसेन घर मां रुटा खाणे बाजी र्यु। ची चां संगमरमर नावेन दगड़ान ठाहरु मां बेसकी महंग्लो ईत्तर लीन आवी।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)