13 पछेन आस्या-बास्या तींद्रा पुर्या-पुरेक ईसु धड़े लावणे लाग्या; काहाकी ईसुन हात हीनु पर मेकाड़ीन संयबरकत मांगणे हींडी रवला बाकुन चेला तीनुक लड़्या। 14 ईसु चेला काजे लड़तेला देखीन रीसवायन ने तीनुक हुकुम आपीन कह्यु, "हीनुक मां रुकु पुर्या-पुरे काजे मारे धड़े लावणे देवु; काहाकी भगवानेन राज हींद्रेत तसलान छे।" 15 मे तुहुंं काजे छाचलीन कहं "जे काय भगवानेन राजेन हक मां नानला पुर्या-पुरेन तसु भुरसु करीन नी रवे ती तीनुक तीना भगवानेन राज मां कदी नी जावाये।" 16 ने ईसु पुर्या काजे खुळा मां लेदु ने तींद्रे पर तेरु हात मेलीन संयबरकत आप्यु।
जुवान लकपती माणसेन बारामां
(मत्ती 19:16-30; लुका 18:18-30)