35 जत्यार दाहड़ु ढळ गुयु, ने टेम हय गुय, ती ईसुन चेला धड़े आवीन कह्या, "जु सुनसान जागु छे, ने दाहड़ु बेसकु ढळ गुयलु छे। 36 माणसे काजे आड़े-धड़ेन खेत ने गांव मां जाणी देवु काहाकी चे आपसा वाटे खाणे करीन काहींग मुल ली लेसे।"
37 ईसु तीनुक कह्यु, तुहुंंत ईनु काजे खाणेन आपु।
चे तीनाक कह्या, "हीनुक आखा काजे खावाड़ने करीन जाजे ने आंठ महनान दाहड़ान दाहड़कीन पयस्या खरचु करीन रुटा6:37 रोटियाँ मुल लावाय्से काय? असु तु काय कय रयु?"
38 तत्यार ईसु तीनुक कह्यु, "जाय्न देखु तुंद्रे धड़े कतरा रुटा छे।"
चे जाय्न देख्या ने कह्या, "हामरे धड़े पांच रुटा ने दुय माछी छे।"
39 तत्यार ईसु चेला काजे हुकुम आपीन कह्यु आखा काजे नीळ्ळा चारा मां पंगत बठाड़ देवु। 40 चे आखा माणसे सोव-सोव ने पचास-पचास माणसेन पंगत बठी गुया। 41 ईसु चे पांच रुटा ने दुय माछी मांगीन हात मां लेदु, ने सरग भीणी उपर भाळीन भगवान काजे कह्यु तु बेसकु वारु छे। ने ईसु रुटा काजे भांजीन चेला काजे आप्यु ने चे चेला माणसे काजे वाटता गुया। ने माछी बी असुत करीन आप्यु। 42 ने आखा जणा खायलीन आफरी गुया। 43 ने चेला बचला रुटान कट्का, ने माछान खणका ईछीन भेळा कर्या, ती चे बारे चार्या भर्या। 44 चे खाणे वाळा अदमीत पांच हजार हतला, ने बायरा ने पुर्या अलग।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)