ईसु एक बेहरा ने बुबड़ा माणुस काजे वारु करे
31 पछेन ईसु चां सी उठीन सुर ईलाका मां सी नीकळीन सेदा ने दीकापुलीस ईलाका मायन जातात गलील दरीया धड़े पुग्यु। 32 चां एक माणुस बेहरु ने चु बुबड़ु बी हतलु, तत्यार माणसे ईसु धड़े आवीन ईसु सी लीलघाय्न कह्या, की तारु हात हीना पर मेक। 33 तत्यार ईसु तीना काजे गड़दी मां सी अलग ली गुयु, ने आपसान आंगळी बेहरान कान्टा मां भर्यु ने तीनीत आंगळी पर थुपीन तीनी आंगळी सी जीप छीम्यु। 34 ने सरग भीणी भाळीन मटीस दम लीन कह्यु, "ईप्फत्तह!" मतलब "उघड़ी जां।"
35 ने तत्यारुत तेरा कान्टा उघड़ी गुया ने तेरी जीपेन गाठ बी छुट गुय ने चु चुखु झण बुलने बाजी गुयु। 36 तत्यार ईसु माणसेक हुकुम आपीन कह्यु, जी वात कुय काजे घुण कहुं, बाकुन जतरु तीनुक जुर दीन हुकुम आपीन कह्यु ततरा अदुस चे वातेन परचार करने बाजी गुया। 37 चे बेसका खुस हय गुया ने अळी-अळीन कह्णे बाजी गुया, "हयु ज बी कर्यु, आखो वारलु कर्यु; हयु बेहरा काजे सामळनेन, ने बुबड़ा काजे बुलनेन ताकत आपे।"
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)