ईसु पांच हजार सी अदु माणसेक खाणो खावाड़े
13 जत्यार ईसु युहन्नान मरनेन खबर सामळ्यु, ती ईसु ढंड्या पर चहड़ीन चां सी काहनीक सुनसान जागा मां, एखलुत14:13 एकांत जाती रयु। माणसे ज सामळीन सहर-सहर सी नीकळीन ईसु पछळ चाल पड़्या। 14 ईसु ढंड्याम सी उतर्यु ती एक बेसकु मटु माणसेन टुळु देख्यु, ने तीनाक तीनु माणसे पर दया आय, ने तींद्रा मांदला काजे वारु कर्यु।
15 जत्यार सांती वेळाय तेरा चेला ईसु धड़े आवीन कह्या, "जी सुन्ली जागा छे, ने दाहड़ु ढळ गुयु; तेरेमां हय हीनु माणसे काजे जाणी दे, की जे गांव मां जाय्न आपणे-आपणे वाटे रुटा मुल ली लेय।"
16 ईसु चेला काजे कह्यु, "हीनुक मकलनु जरुड़ी नी हय! तुहुंंत हीनु काजे काहीस खाणे आपु।"
17 चेला ईसुक कह्या, "जां हामरे धड़े पांच रुटा ने दुय माछा छे अळी दीसरो काय बी नी हय।"
18 ईसु कह्यु, "चे रुटा ने माछा काजे मारे धड़े लावु।" 19 तत्यार ईसु माणसे काजे चारा पर बठणे करीन कह्यु, ने तीनु पांच रुटा ने दुय माछा काजे लेदु; ने सरगे भीणी भाळीन भगवान काजे कह्यु तु बेसकु वारु छे करीन कह्यु, माछा ने पांच रुटा तुड़ी-तुड़ीन चेला काजे आप्यु, ने चेला माणसे काजे आप्या। 20 जत्यार आखा माणसे खाय्न आफरी14:20 तुप्त गुया, ती चेला बचला रुटान टुकड़ा सी बारे चार्या भराय गुया। 21 ने खाणे वाळा बायरा ने पुर्या काजे छुड़ीन, पांचेक हजार अदमीत हतला।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)