Mateus 16

ईसु फरीसी माणसे ने सदुकी सीकापण सी चेतीन रवजु करीन सीकाड़े

5 चेला दरीयान पली धड़े गुया, बाकुन चे रुटा ली जाणु वीसरी गुयला। 6 ईसु तीनुक कह्‌यु, "देखु, फरीसी माणसे ने सदुकी पंथवाळा खाण्‌या-सुडा सी चेतीन रवजु।"

7 चे आपसा-आपसा कह्‌णे बाजी गुया, "आपणु रुटा नी लाया तेरेमां ईसु असु कय रयु।"

8 ईसु तींद्‌रा वीच्‌यार काजे जाणीन कह्‌यु, "कम भुरसु करने वाळा, तुहुंं तुंद्‌रा मन मां असा काहा वीच्‌यार करु की रुटा नी लाया करीन ईसु असु कर रयु? 9 काय तुहुंं हाल लग नी समज्‌या? काय तुहुंं काजे तीनु पांच हजारेन पांच रुटा हेर नी आवता, तीने टेमे तुहुंं कतरा मटला चार्‌या भरला? 10 मे तीनु चार हजार माणसे काजे सात रुटा, आफरीन खावाड़लु तीने टेमे तुहुंं कतरा चार्‌या भरला? 11 तुहुंं काहा नी समजता की, मे तुहुंंक रुटान बारामां जो नी कह्‌यु, बाकुन मे ते फरीसी माणसे ने सदुकी माणसेन खाण्‌या-सुडा सी चेतीन रवजु करीन कह्‌यु।"

12 तत्‌यार चे समजी गुया की ईसु, रुटान पीठाम भेसकण्‌या खाण्‌या-सुडान बारामां सी नी, बाकुन, फरीसी माणसे ने सदुकी सीकापण सी चेतीन*16:12 सावधान रवजु करीन कवलु।