ईसु भुतड़ान आत्मा सी भरायला पुर्या काजे वारु करे
14 ने जत्यार ईसु ने तीन चेला बयड़े सी उतरीन माणसेन टुळु वाट देख रवलु ती, ती एक माणुस ईसु धड़े आयो, ने मांडा टेकीन कह्यु, 15 "ए मालीक, मारा पुर्यु पर दया कर! काहाकी तीना काजे मीरगीन मांदवाड़ छे, ने चु बेसकु एला करे; ने पछुत-पछु आकठा मां ने पाणी मां पड़ जाय। 16 मे हीना काजे तारा चेला धड़े लावलु, बाकुन चे वारु कर नी सक्या।"
17 तीनाक असु कवतेला सामळीन ईसु चां भेळा हय रवला आखा माणसेक कह्यु, "ए भुरसु नी करने वाळा, मे कत्यार लग तुंद्रे साते रवीस? कत्यार लग तुहुंंक सेण करतु रवीस? हीना पुर्या काजे मारे धड़े लावु।" 18 तत्यार ईसु तीना भुतड़ान आत्मा काजे लड़्यु, ने ची तीना पुर्या मां सी नीकळी गुय; ने चो पुर्यो तत्यारुत वारु हय गुयो।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)