ईसु ज देखाड़े की भगवानेन नींगा मां मटु कुण छे?
1 तीनी टेमे चेला ईसु धड़े आवीन पुछ्या, "सरग वाळा भगवानेन राज मां आखा सी मटु कुण छे?" 2 तत्यार ईसु एक नानला पुर्या काजे धड़े बुलायन हींद्रे ईचमां उबु कर्यु, 3 ने कह्यु, "मे तुंद्रे सी छाचलीन कहं की जत्यार लग तुहुंं पाप भीणी सी मन नी फेरवु चां लग तुहुंं हीना नानला पुर्यान तसा नी बणु, तत्यार लग तुहुंं सरगेन राज मां नी जाय सकु।" 4 जु कुय बी आपसा काजे हीना नानला पुर्यान18:4 बालक तसु नानलु बणसे, चु सरग वाळा भगवानेन राज मां आखा सी मटु बण जासे। 5 ने जु कुय बी मारा नाव सी एक असला नानला पुर्यान आव-भाव18:5 आव-भाव ग्रहण करसे, चु मारु आव-भाव करे।
पाप करनेन पारख
(मरकुस 9:42-48; लुका 17:1,2)
10 "देखु, तुहुंं हीनु नानला मां सी काहनाक काजे नानु घुण समजे, काहाकी मे तुंद्रे सी कह्वो की सरग मां हींद्रा सरग वाळा काहवाळ्या मारा सरगेन बासेन मुंहडो जलम देखे।