35 काहाकी मे भुकलु हतलु, ने तुहुंं मेसे खाणे करीन आप्‌या; मे पीसलु हतलु, ने तुहुंं मेसे पाणी पीयाड़्‌या; मे पारका देसेन हतलु ने तुहुंं मेसे तारा घर मां ठेराया; 36 मारे धड़े पेहरनेन पुथल्‌या नी हतला, ती तुहुंं मेसे पुथल्‌या पेहराया; मे मांदलु हतलु, ने तुहुंं मारी खबर लेदला मे जेल मां हतलु ने तुहुंं मेसेक भेळा हवणे आया। 37 तत्‌यार धरमी तीना काजे जपाप आपसे, ए मालीक, हामु कत्‌यार तुसे काजे भुकलु देख्‌या ने खावड़्‌या? नीते पीसलु देख्‌या ने पाणी पीयाड़्‌या?" 38 हामु कत्‌यार तुसे पारका देस वाळु देख्‌या ने आपणा घर मां बठाड़्‌या? नीते नांगेरलु देख्‌या ने पुथल्‌या पेहराया? 39 हामु कत्‌यार तुसे मांदलु नीते जेल मां देख्‌या ने तुसे भेळा हवणे आया? 40 तत्‌यार राजु तीनुक जपाप आपसे, मे तुंद्‌रे सी छाचलीन कह्‌वो की तुहुंं जे मारा हीनु नानला सी नानला भायसे मां सी काहनाक बी एक साते कर्‌या, च मारेत साते कर्‌या।