ईसु चार काहर्या काजे चेला बणावणे करीन बुलावे
18 जत्यार ईसु गलील दरीया धड़े मायन जाणे बाजी रवलु, तत्यार ईसु तीनु दुय संगा भायस काजे देख्यु, सीमोन काजे चु पतरस बी कहवाये, ने अळी तेरु भायस अन्दीरीयास काजे दरीया मां जाळ नाखतेला देख्यु; काहाकी चे काहर्या हतला। 19 ईसु तीनुक कह्यु, "मारा चेला बणीन मार पछळ आवु, ने जसा तुहुंं माछा धरीन भेळा करु तसात तुहुंंक मे माणसेक भेळा करने ने तीनुक मारा चेला बणावणे सीकाड़ीस।" 20 ने चे तत्यारुत जाळ काजे चांहान रहणीदीन ईसुन चेला बणीन ईसु पछळ चाल पड़्या।
21 चां सी अगु जाय्न, ईसु अळी दीसरा दुय भायस काजे देख्यु, जब्दीन पुर्यु याकुब काजे ने अळी याकुबेन संगा भायस युहन्ना काजे। चे तींद्रा बास जब्दी पुठ्ये ढंड्या मां जाळ काजे सुदारतेला। ईसु तीनुक बुलायु। 22 चे तत्यारुत ढंड्याक ने तेरा बास काजे चांहान रहणीदीन ईसुन चेला बणीन ईसु पछळ चाल पड़्या।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)