आफसरेन पुरे ने ईसुन कापड़ा काजे छीमणे वाळी बायरी
18 ईसु तीनुक जी वात कवणे बाजी रवलु, एक हकदार आवीन तीना काजे आंध्यो ने कह्यु, "मारी बेटी हयुसुत मर गुयली छे, बाकुन तु आवीन तेरे पर हात मेक, ती ची जीवती हय जासे।"
19 ईसु उठीन तेरे पुठ्ये चाल पड़्यु ने तेरा चेला बी तेरे पुठ्ये चाल पड़्या।
20 तीनी टेमे एक बायर हतली, तेरे पोगराळो दुख लागलो बारे साल हय रवला, ने ची ईसु पछळ आय्न ईसुन पुथल्या काजे छीम लेदी। 21 काहाकी ची तेरा मन मां कवतेली, "कदी मे तेरा पुथल्यान छेवड़ाक छीमी लीस, ती मे वारु हय जायस।"
22 ईसु पछु फीरीन तीनीक देख्यु ने कह्यु "बेटी हिम्मत राख; तारु भुरसु तुसे काजे छुटकारु आप्यु।" अळतेन ची बायरी तत्यारुत वारु हय गुय।
23 जत्यार ईसु तीना हकदारेन घर मां पुग्यु ती पावळी आजाड़ने वाळाक ने माणसेन टुळाक रड़तेला देख्यु। 24 तत्यार ईसु कह्यु, "छेटा हय जावु, पुरे मरी नी, बाकुन सुय रय!" असु कह्यु अतरुत ने ईसुन हासी उड़ावणे बाजी गुया। 25 बाकुन जत्यार माणसेन टुळा काजे नीकाळ देदा, ती ईसु घर मां जाय्न पुरेन हात धर्यु, ने ची जीवती हय्न बठी हय गुय। 26 ने हीनी वातेन खबर तीना आखा देस मां चारे मेर मालुम हय गुयो।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)