भगवान सी मेळु
1 जत्यार आपणु भुरसा सी वारलु बण्या, ती आपणा मालीक ईसु मसीन वजे सी भगवान साते आपणु सांती मां हय गुयला छे, 2 ईसु मसी आपणे वाटे तीनी गीण-दयान बारनो उघाड़ देदलु छे जी आपणुक जड़ गुयलो छे, आपणु ईनी वात पर मटाय करजे की आपणुक भगवानेन सेक-सींगारेन आस पर मटाय करजे। 3 अतरोत नी, आपणु दुख पर बी खुस हवजे, काहाकी आपणु जाणजे की दुखुत आपणुक गम खाण्या बणावे, 4 ने दम धरीन खरा नीकळनु, ने खरा नीकळने, सी आस उबजे। 5 ने आस सी लाज नी आवे, काहाकी भगवान आपणुक चुखली-आत्मा आपलु छे ने हेरेत वाटे भगवान परम आपणा मन मां भरलु छे।