16 तुहुंंक जी वात मालम नी हय काय, की तेरी तुहुंं हुकुम मान्ने करीन तेरा हातेम खुद काजे सुप देवु तुहुंं तेरात गुलाम पावर्या बण जाय, भले पापेन हातेम आपीन पापेन गुलाम बणु, तेरो फळ मुत छे भले भगवानेन हुकुम मानीन तेरा हातेम सुप देवु, तेरो फळ अमरकाय धरम छे। 17 बाकुन भगवान काजे तु बेसकु वारु छे6:17 वारु छे धन्यवाद कहं की तुहुंं पेहेल पापेन गुलाम हतला तुहुंं आपणा मन सी हीनु सीकाड़नेन रीती काजे मान्या जी तुहुंं काजे आपली हतली। 18 ने हय तुहुंं पापेन गुलामी मां सी छुटीन धरमेन गुलाम बण गुयला छे।
20 जत्यार तुहुंं पापेन गुलाम हतला, ती भगवानेन धरम भीणी सी तुहुंं छुटला6:20 स्वतंत्र हतला। 21 तीनी वात सी तुहुंं लाजवाय रया, ती पेहेल तुहुंंक तीनी वात सी काय फायदु हवतेलु? काहाकी तेरो आकरी फळ ते मरनु छे। 22 बाकुन हय पाप सी छुटीन भगवानेन गुलाम पावर्या बणीन तुहुंंक ज फळ जड़लो छे की तुहुंं चुखला बणु, ने आकरी मां जलमेन जीवन हात करनु छे। 23 काहाकी पापेन दाहड़की ते मरनु छे, बाकुन भगवानेन दानेन वाटु आपणा मालीक ईसु मसी मां जलमेन जीवन छे।