Provérbios 2

Ribar ɗa’ar hikima

1 Ɗana, in ka yarda da kalmomina

ka kuma ajiye umarnaina a cikinka,

2 kana kasa kunne ga abin da yake na hikima,

kana kuma yin ƙoƙari ka fahimce shi,

3 in kuma ka kira ga tsinkaya

ka kuma kira da ƙarfi don ganewa,

4 in ka neme shi yadda ake neman azurfa

ka kuma neme shi kamar yadda ake neman ɓoyayyiyar dukiya,

5 to, za ka gane tsoron Ubangiji

ka kuma sami sanin Allah.

6 Gama Ubangiji yana ba da hikima,

daga bakinsa kuma, sani da ganewa sukan fito.