7 मोर उप्पर भगवान के संदेस परगट करे गय हबै, मै इनखर उप्पर घमंड न करव, इहैनिता मोर देह हे अक्ठी कांटा चुभाय दय गय हबै, मोके भुतवा के दूत मिले हबै, ताकि ऊ मोके मुटका मारत रहै अउ मै घमंड न करव। 8 मै कांटा के ई परेसानी के बारे हे मै परभु लग तीन बेर बिनती करे रहों, कि हइ कांटा के मोर लग दुरिहां के दे। 9 पय ऊ मोर लग कथै, "मोर अनुगरह किरपा तोर निता बोहत हबै, काखे मोर सक्ति ढिलवन हे सिध्द होथै।" इहैनिता मै बडे मगन लग अपन ढिलवनो हे घमंड करिहों कि मसीह के सक्ति मोर हे छाउत रहै। 10 मै मसीह के कारन अपन ढिलवन हे, बुराई हे, दुख हे, अतियाचार अउ परेसानी हे पूर मेर लग गर्व करथो, काखे मै जब ढिलवा होतो तबय फेरै लग बलवान हुइ जथो।