Lucas 1

मरियम दवारा भगवान कर भजन

46 मरियम कथै,

मोर परान परभु के भजन करथै।

47 मोर आतमा परभु के महिमा करथै, मोर आतमा मोर मुकति करै बाले भगवान हे मगन हबै✝1:47 1 समु 2:1।

48 ऊ अपन दीन हरवाहिन के सुधि लइस,

अब लग पुरखा दर पुरखा मोके धन्य कइहीं✝1:48 1 समु 1:11; मलाकी 3:12।

49 काखे सक्तिसाली भगवान मोर निता बडा-बडा काम करै हबै,

पवितर हबै ओखर नाम✝1:49 भजन 103:17

50 जउन मनसे भगवान लग डरथै,

ता उनखर हे अक्ठी पीढी लग दूसर पीढी तक दया करथै।

51 भगवान अपन हाथ के सक्ति दिखाइस,

ऊ घमंडिन मनसेन के छिदिर-बिदिर कर दइस✝1:51 2 समु 22:28; भजन 89:10।

52 भगवान राजन के उनखर राजगद्दी लग तरी उतार दइस,

अउ बिनम्र मनसेन के उप्पर उठाइस✝1:52 1 समु 2:7; अयूब 5:11; भजन 113:7,8।

53 ऊ भुखहन के बढिहा चीजन लग टुल्ल करिस,

अउ धनिन के छूछे हाथ लउटा दइस✝1:53 1 समु 2:5; भजन 107:9।

54 ऊ अपन दया के सुरता करके,

अपन सेबक इस्राएल के संभालिस✝1:54 भजन 98:3; यसा 41:8,9।

55 जसना टीमा भगवान हमर सियानन लग करे रथै, कि अब्राहम,

अउ उनखर लरका के परति ओखर दया सबरोज बने रही।