Lucas 1

जकरयाह कर भजन

67 तब यूहन्ना के बाफ जकरयाह पवितर आतमा लग भर जथै, अउ हइ कहत आगू कर बातन के गुठेथै,

68 धन्य हबै परभु, इस्राएल के भगवान ऊ अपन परजा के सुधि लय हबै,

अउ ओखर मुकति करे हबै✝1:68 भजन 111:9; 41:13।

69 भगवान अपन सेबक दाऊद के घराना हे हमर निता अक्ठी मुकति,

करै बाले पइदा करिस✝1:69 भजन 132:17; इरमि 30:9 ।

70 जसना कि ऊ बोहत पहिलेन अपन पवितर ग्यानी मनसे के दवारा टीमा करे रथै।

71 कि ऊ हमर सतरू अउ हमर बैरिन लग, अउ जउन हमर लग घिनाथै,

उनखर लग हमके मुकति दिलाय हबै।

72 अउ अपन पवितर टीमा के सुरता,

करके हमर पुरखन हे दया करी।

73 ऊ किरिया खाय के हमर बाफ अब्राहम,

लग गुठे रहिस✝1:73 उत्पति 17:7; भजन 105:8,9। 74 कि ऊ हइ देही,

कि अपन बैरी के हाथ लग छुटकर।

75 अउ अपन जीवन भर हर रोज भगवान कर आगू हम पवितरता

अउ धरमी मनसे बनके ओखर सेबा कर सकि✝1:75मलाकी 3:1; यसा 40:3 ।

76 "हे लरका, अब तै परम परधान के ग्यानी मनसे कहइहे,

काखे तै ओखर गली तइयार करै के निता,

परभु के आगू-आगू चलहे।

77 तै भगवान के मनसे के उनखर पापन के छमा के दवारा,

मुकति के ग्यान दइहे।

78 हमर भगवान के बडी दया के कारन,

हमके उप्पर स्वरग लग उजियार मिलही।

79 जेखर लग ऊ अंधियार अउ मिरतू के छांय हे बइठै बालेन के उजियार मिलै,

कि एखर दवारा सान्ति के गली के दिसा मिलै✝1:79 यसा 58:8; 7:1-2; 9:2।"