लूका 7

यीसु बिधवा कर टोरवा के मरै लग जिन्दा करथै

11 एखर कुछ टेम बाद हे, यीसु नाईन सहर छो जथै, यीसु के चेला अउ मनसेन के बोहत भीड ओखर संग रथै। 12 जब यीसु नाईन सहर के परवेस दूरा के लिघ्घो पहुंचथै, ता मनसे अक्ठी मरे हर मुरदा के बाहिर मरघटियानी छो लइ जथै, ऊ अपन दाय के अक्ठिन टोरवा रथै, अउ ओखर दाय बिधवा रथै, अउ सहर के बोहत लग मनसे ओखर संग रथै। 13 दाय के देखके परभु दया लग भर जथै, अउ बिधवा डउकी लग कथै "झइ रो" 14 अउ यीसु लिघ्घो आयके सिहरी के छीथै, अउ लोथ के लइ जाय बाले मनसे रुक जथै, यीसु कथै, "हे टोरवा मै तोर लग कथो उठ।" 15 ता ओतकै टेम मरे हर टोरवा जिन्दा हुइ गइस, अउ ऊ गुठेमै लग जथै, अउ यीसु ओखर दाय के सउप देथै।

16 सगलू मनसे देखके उनखर भित्तर डर छाय जथै, अउ उहां सगलू मनसे भगवान के बडाई करै लग जथै, अउ मनसे कथै हमर बीच हे अक्ठी बोहत बडा ग्यानी मनसे आय हबै, अउ भगवान अपन परजा के सुधि लय हबै।

17 यीसु के बारे हे हइ बात, यहूदिया परदेस अउ अगल बगल के सगलू इलाका हे फइल गइस।