1 Hwanmancha, ma ɓeɗi mbǝɗengnuni, ɓuwi kǝthlǝm kǝ mbwa’aikuni i naka ɓuɓweeta Fara, tǝ mbǝr shunda ndu tǝ sǝn’ǝnwa. 2 Kǝthlǝm tepi tirihur yahwisa sǝn’ǝn somǝn naki tǝ kuniwa, Yǝso Kǝrǝsti ndak, le kukwandǝfichǝhi. 3 Ɓaki mbǝɗengnuni hur ɓah alchita tǝ lechita, paɗ tǝ saktatfǝ kaǝn. 4 Lǝmfatsi ndu ɗathla hur shuɗengnǝ tǝ ɓassengnǝwa, tǝ cheɗndǝ alchita Shemeɗa, 5 Kǝthlǝm fǝrkitchiɗengnuni mǝniɗa ɗar sǝn’ǝna nofchǝwa, kǝ naka ɗar alchita Fara.

6 Chika tǝ kichu, la shuwunkani sǝn’ǝna kǝ mbǝɗa fichile mwanka hur fǝrkit, nga sǝn’ǝna kisshi’i nakǝnya ndu i kuturchi nakǝnya, fichile naka thlǝrǝttaɗǝwa. 7 La nakani shuwun sǝn’ǝna Fara hur ɓuɓweetǝ yu, le naka hur ɓuɓweetǝ soh, sǝn’ǝni fǝrtǝ Farǝ soh kǝ tǝrka nathi kǝthlǝm mwaɗengnǝm. 8 Hur kuturchi nakǝnya ngusǝ mbǝsang sǝn’ǝniyawa, mamuwa mbǝsanda, ma kukwawundǝ Lǝmwandǝ le nak mwanchinwa. 9 Nda i nat yaratkǝna hur laulawatkǝn:

"I tahsandǝ Fara fichilesǝ la mbǝnkǝfatkǝn, tamu hwanita natwa, thlǝmatsǝ tamka sǝktǝwa, hanndǝkiketa nifǝsǝ tamka yarandǝhiwa."

10 Kanang cheɗandǝ Fara kani tǝ mbǝɗa Shemeɗ’en. Shemeɗ la kaǝn chikamǝnat, chikamǝ naka hwengngǝchit icha Fara. 11 Wuna hurnofcha sǝnkǝ yara nifa, manga Shemeɗi nifǝkǝn ti naka fi’enwa? Kichu paɗ nifǝsǝ sǝnkǝ yara Farǝ wa Shemeɗa Farǝ ndak. 12 Thluwani shemeɗa kisshitǝwa, Shemeɗi ɓaka mbǝɗa Fara thlǝtani, kǝthlǝm kǝ sǝnani ichi fǝrandǝ Fara kani pofǝn. 13 La mbwa’angani ichiya kuni, nga tǝ shuwunchǝ le sakandǝ fichaɗi tǝ mbǝɗa sǝn’ǝna nifǝwa tǝ shuwunchi sakandǝ fichaɗi tǝ Shemeɗa, tǝ mbu i naka kitchita shemeɗa a hur shunda Shemeɗa. 14 Nifi nguchit Shemeɗa fi’en thlutǝ ichi ɓaka mbǝɗa Shemeɗa Farǝ wa, kǝthlǝm nakǝn kǝ ɓomchita mbǝɗ’en, paɗ ngu mbǝlla sǝn kandǝwa, kǝthlǝm tǝ mbǝɗa Shemeɗ la sǝntǝfichǝ kanda. 15 Nifi nat Shemeɗsa fi’en la sǝnkǝ ichǝ nat, mǝllan tǝ indi’en nifǝsǝ na kikeɗandǝwa.

16 "Wun sǝnkǝ yara Lǝmwanda har natna sakandǝhar?"

Kanang yarengnani i Kǝrǝsti.