7 Manoyo guato taegüe y espiritumo? pat manoyo jufalagüe taegüe yo gui menamo?

8 Yaguin cumajuloyo gui langet gaegueja jao güije; yanguin jujuto y camajo guiya sasalaguan, gaegueja jao locue güije.

9 Yanguin juchule y papan y egaan, ya jusaga gui uttimon y tase;

10 Asta ayo gaegueja y canaemo na jaosgagaejonyo, ya y agapa na canaemo umantieneyo.

11 Yanguin jualog: Magajet na utampeyo y jemjom: asta y puenge uinayo.

12 Asta y jemjom ti uninatogüe: lao y puenge ufanina taegüije y jaane: y jemjom yan y mananana manparejoja para jago.