9 Ako nakenjila kuli mhalika, nakawasa amo nechilo yila. Hamba, ulonzi wa Mkulu Nguluwi naumuyila Eliya na kumlonjela, "Kwangudita choni hano?"
11 Mkulu Nguluwi nakamlonjela, "Ulute kunze na kwima mchanya mwa chidunda hali heni Mkulu Nguluwi, kwa vila nda habehi kukola aho." Hamba mbeho ng’hulu iwele na mong’ho naividita vila vidunda vikakame na kutula mitalawe, ila lizi lya Mkulu Nguluwi haliwele kuli yila mbeho. Vyoikolile mbeho nakwali na limachinyhina, ila lizi lya Mkulu Nguluwi haliwele kuli alyo limachinyhina. 12 Vyolikolile limachinyhina nakwali na chiluli, ila lizi lya Mkulu Nguluwi haliwele kuli chiluli acho. Vyochipulute chiluli, nalihulikwa lizi lisindamale na lya kupwepwa. 13 Eliya loyahuliche lizi alyo, nakegubika kumeho na ikanzu lya heye, nakalawa mgati na kwima hali mlomo wa mhalika. Lila lizi nalimlonjela, "Eliya, kwangudita choni aha?"