10 Hana nayali na masinzo ng’hatu. Loyawele yomlanda Mkulu Nguluwi nayali yolila kwa usungu. 11 Nakelaha yolonga, "Gwa Mkulu Nguluwi Uwele na Mong’ho, ugalole magazo ga heni, chitumagwa wa hegwe na kung’humbuka ne kusemwa heni. Wone konhambichiza heni ndiwe na mwana mlume, ndokupa hegwe Mkulu Nguluwi mwana ayo mlume yawe wa hegwe kwa mhela weng’ha wa ukomu wa heye na mnvili za kumutwi kwa heye ama lulevu lwa heye havibeyigwa hebu." 15 Ila Hana nakamwidichila, "Hebu mkulu wa heni, heni nda mdala mbele na magazo makulu. Heni sinwele divai ne chakunwa ching’ang’ale, ila nandali ndimlavila Mkulu Nguluwi gawele mnhumbula ya heni. 17 Hamba Eli nakamlonjela, "Ulute kwa kikala goya, Nguluwi wa Isilaeli yakupe chila choumlandile."
20 Ahyo Hana nakawa na himila. Mhela wa kuponda loufichile, nakaponda mwana mlume. Hana kamchema ayo mwana Samweli kwa vila nakalonga, "Ndimlanda Mkulu Nguluwi."