Ihema lya Nguluwi
1 "Kwa ago geng’ha, kogongomanya ihema lya Nguluwi kwa mipaziya kumi ja kitani itawigwe, na kwa sufu ya lanji ya buluu na zambalau na ndung’hu. Mipaziya ajo jeng’ha kovinoliga kwa vilumbigwe viwele na mabawa, utawigwe goya.
7 "Kahi kogongomanya chigubiko cha ihema lya Nguluwi kwa mipaziya kumi na limwe lya milaika ja mhene. 14 Kogongomanyiza kahi chigubiko cha ihema ligongomanyigwe kwa igozi lya ing’holo ilume liwichigwe lanji ndung’hu na chigubiko cha igozi lya igongolo linji lilingikala mbahali.
15 "Kogongomanya fulemu za msonobali kwa chiwalo cha kwimiza ihema lya Nguluwi.
31 "Kogongomanya ipaziya lya lanji ya buluu na zambalau na ndung’hu na kitani inojile itawigwe. Ipaziya alyo kolitawa kwa uwanzi ng’hatu kwa kulinoliga kwa kuchola vilumbigwe viwele na mabawa. 33 Kolinhinhiza ipaziya alyo kuli ngwamo, hamba uligale lila isanduku lya ilagano amo mgati, kumbele mwa ipaziya alyo. Ipaziya alyo lyogawaniza Honhu Helile na Honhu Helile Ng’hatu.