Honhu ha kulavila nhambiko ha kufunyiza ubani
1 "Kogongomanya honhu ha kulavila nhambiko kwa mbawo za msonobali leka hawe honhu ha kufunyizila ubani. 6 Aho honhu ha kulavila nhambiko hawichigwe kumwando mwa ipaziya lilingugubika isanduku lya ilagano, kumwando kwa chigubiko cha uhanyisi. Aho ndo honditing’hana na hegwe. 7 Chila zuwa Aluni hoyokwinjila kuwika goya vyenje viwele aho, kofunyiza ubani ulingunhunyhilila lukami hali honhu ha kulavila nhambiko. 8 Kahi kofunyiza ubani mhela wa kuzinga kwa isanya hoyobwina vyenje hali Mkulu Nguluwi. Nhambiko ayi ya ubani yolavigwa mazuwa gose ne kuleka kuli lulelo lwenu lweng’ha. 10 Aluni kanguganigwa kudita uhanyisi mchanya mwa mbalati za honhu ha kulavila nhambiko aho mala imwe kwa mwaka. Kokusa gehile kwa danda ya nhambiko mala imwe chila mwaka kuli lulelo lwa hemwe lweng’ha mina honhu ha kulavila nhambiko aho ndo helile ng’hatu kwa heni Mkulu Nguluwi."