Wanhu wa kugongomanya ihema lya Nguluwi
1 Mkulu Nguluwi nakamlonjela Musa, 2 "Heni ndimhagula Besaleli, mwana wa Uli, mzukulu wa Huli, wa nhanzi ya Yuda, 3 na kummemeza Muhe wa heni. Ndimha udaho na kuzowela na nyhala na uwanzi na kugongomanya vinhu, 4 leka yavumbule mijito ja uwanzi na kukola mijito ja kuponda zahabu na sendi na shaba. 5 Ndimha uwanzi wa kuhongola maganga ga kunoliga na kuhongola mbawo na uwanzi wa chila mbuli ya kugongomanya vinhu. 6 Vivila ndimhagula Oholiabu mwana wa Ahisamachi, wa nhanzi ya Dani, yakole mijito hamwe na heye. Hihyo du ndiwapa udaho ukulu wanhu wanji kwa chiwalo cha mijito jinjijinji, leka wagongomanye vinhu vyeng’ha vyondajize viditikwe.