Kiə mi ki châsi kə gia yi Nyɔ
7 Ayakadəiŋ, bukumbɛiŋ wɔ̂kɔ gia yə Kiŋ’waka ki Baiŋni nì dzaka. Ki nì dzaka a,
"Mbɛiŋ ka wɔkɔ Nyɔ dzaka i mbɛiŋ daiŋ,
8 kiə mbɛiŋ ki ləkə kə bəh fwu asi bətii tii bəmbɛiŋ nì siniki bəh Nyɔ
jɔbi wə bɔ nì mɔmsiki Nyɔ i chwa.
12 Bwa bə nih bəŋ, mbɛiŋ tɔ̂kniki a mi widɔkɔ i mbɛiŋ kintəəŋ ma nûmki wə wi kaŋaki shɔm yichu, yə yi nəiŋki wi i bum i Nyɔ, yə yi kɔ i fə a mbɛiŋ dza fiəni nyɔkɔ jum i Nyɔ wə wi kaŋaki nɔni. 13 Gia yə mbɛiŋ kaŋaki i fəki kɔ a mbɛiŋ shîliki shɔm yi mi i mi chɔkɔ bichi, si yi kɔ a chɔkɔ biwɔ kɔ, "Daiŋ." Mbɛiŋ fə̂ki yaka ka gia yichu yidɔkɔ bi ma fwɔ̂kyi mi a wi dza yisi i ləkəki bəh fwu. 15 Mbɛiŋ kwâkaki gia yə a,
"Mbɛiŋ ka wɔkɔ Nyɔ dzaka i mbɛiŋ daiŋ,
kiə mbɛiŋ ki ləkə kə bəh fwu asi bətii tii bəmbɛiŋ nì siniki bəh Nyɔ."