Lucas 18

Jisɔs wɛli dzə́kəh yi kimfəkə

35 Jɔbi wə Jisɔs nì kɔmsiki tsəki i kwili wi Jɛliku wə, kimfəkə kidɔkɔ num i dzəh kpəŋ nywa biɛiŋ. 36 Wi wɔkɔ si mbaŋ wi bəni nì kɔmki tsəki, wi ka bikə a, a numki dzəki nə?

37 Bɔ chukuli i wi a, akɔ Jisɔs wi Nasali wi tsəki. 38 Wi ka yisi i wiliki a, "Jisɔs, waiŋ Ŋkuŋ Dɛbit, kwâsi nshɛiŋ i mih."

39 Bəni bə̀ bɔ nì tsəki i ninshiŋ wam kaŋyi wi dzaka a wi bâŋ. Ayakalə, wi chu fiəni wam na bəh ŋga a, "Waiŋ Ŋkuŋ Dɛbit, kwâsi nshɛiŋ i mih."

40 Jisɔs ka num, ka dzaka a bə dzə̂ bəh wi. Bə dzə bəh wi, Jisɔs bikə i wi a, 41 "Wɔ nəŋki a mih fə̂ nə i wɔ a?" Wi chukuli a, "Bah, fə̂ ma mih yɛ̂iŋki."

42 Jisɔs ka dzaka i wi a, "Yɛ̂iŋ, shɔm ya yə wɔ jiə i mih, yi fə lɔ dzə́kəh ya baiŋ."

43 Akisəkə i jɔbi wiwɔ wə, wi ka fiəni yisi i yɛiŋki di. Wi dza ka biəli Jisɔs, chɔŋyi Nyɔ. Bəni bəchi bə̀ bɔ nì kɔ fɛiŋ yɛiŋ yaka, ka nya kiŋkɔksi i Nyɔ.