Lucas 9

Kiə mi i mbaŋ wi Jisɔs wə ki tsɛiŋ kə i jum wə

57 Asi bɔ nì nyaniki dzəki i dzəh, mi widɔkɔ dzə dzaka i Jisɔs a, "Mih ni biəliki lə wɔ, i na faiŋ wə wɔ tsəki." 58 Jisɔs chukuli i wi a, "Migumasha kaŋaki lə dzə́ŋə yibɔ, minyəni mə mɔ fuliki bɛiŋ kaŋa júŋ yibɔ, ayakalə mi wə yɛli wi kɔ Waiŋmi kaŋaki kə na di i jiə fwu wi yɛiŋ."

59 Jisɔs ka chu dzaka i mi widɔkɔ a, "Bîəli mih." Ayaka mi wiwɔ chukuli a, "Bah, bêe ma mih tsə yisi ləə ba wuŋ, ka mih biəliki wɔ." 60 Ayakalə, Jisɔs chukuli i wi a, "Bêe ma bəni bə̀ bɔ kpiyi, ləəki bəni bəbɔ bə kpiyini, tsə̂ mfia wɔ fûkuki kɔm ŋkuŋ bi Nyɔ."

61 Mi widɔkɔ chu dzaka a, "Bah, mih ni biəliki lə wɔ, ayaka yisi bêe ma mih tsə bɔni i chwɔŋ kəŋŋ ki juŋ ka mih dzə biəliki wɔ." 62 Jisɔs chukuli i mi wiwɔ a, "Mi wə wi kwa dzəkə i kaŋ ŋguŋ shi kuku fiəni tsɛiŋ i jum wə, wəmaka ka kpɛiŋ dəkə i num i kintəəŋ ki ŋkuŋ bi Nyɔ wə."