Marcos 10

Jisɔs wɛli dzə́kəh yi Batimayus

46 Bɔ nyani tsə buku i kwili wi Jɛliku wə. Jɔbi wə Jisɔs nì nyəki fɛiŋ bəh bwa bu bə mbaŋ bəh mbaŋ wi bəni wimbum, kifəkə kidɔkɔ shi num a dzə kpəŋ nywa biɛiŋ, yɛli wi num Batimayus, waiŋ Timayus. 47 Jɔbi wə wi si wɔkɔ a akɔ Jisɔs wi Nasali, wi yisi ka wamki bəh ŋga a, "Jisɔs, waiŋ Ŋkuŋ Dɛbit kwâsi nshɛiŋ i mih." 48 Bəni bəduli dza yisi i kaŋyi wi dzaka a wi bâŋ. Ayakalə, wi chu fiəni wam na bəh ŋga a, "Waiŋ Ŋkuŋ Dɛbit kwâsi nshɛiŋ i mih." 49 Jisɔs ka num, ka dzaka a bə bɔɔŋ wi. Bɔ bɔɔŋ kifəkə kiwɔ, ka dzaka i wi a, "Kâŋa shɔm, dzâ bɛiŋ, wi bɔɔŋki wɔ." 50 Kifəkə kiwɔ ka saka baa mbuŋ i gwu yi wə lɔɔ i kuku, saka dza bɛiŋ tsə i Jisɔs wə. 51 Jisɔs bikə i wi a, "Wɔ nəŋki a mih fə̂ nə i wɔ a?" Kifəkə kiwɔ chukuli a, "Mi wi Lanini, mih nəŋki i yɛiŋki biɛiŋ." 52 Jisɔs ka dzaka i wi a, "Wɔ tsə̂ mfia. Shɔm yə wɔ jiə i mih fə wɔ bɔnih." Akisəkə dzə́kəh yi baiŋ wi ka yɛiŋki biɛiŋ, ka biəliki Jisɔs i di biə wi nì tsəki.