12 ପେ ନିଜେନେ ବାଲିର୍ବାତା ବେବଆର୍ ଆଲାଦ୍ ବିସ୍ବାସ୍ ବାରି ଗୁନ୍ଗ୍ୟାନ୍ନେ ନିମାଣ୍ଡା ବାବ୍ରେ ବେବଆର୍ ଆସୁଏଃ ପେୟାଲା ଗଣ୍ଡା ବୟସ୍ ଡିଙ୍ଗ୍ ଲେଃଲା ଡିଗ୍ ଆପେକେ ମଣ୍ଡଲିନ୍ନିଆ ଜାଣ୍ଡେ ଦଦ୍ୟା ଡାଗ୍ଚେ ବାସଙ୍ଗ୍ ଆୟାଆର୍ ଣ୍ଡୁ । 13 ନେଙ୍ଗ୍ ପେନେ ଡାଗ୍ରା ପାଙ୍ଗ୍ନେ ଜାକ ପେ ଦରମ୍ ସାସ୍ତର୍ ପଡ଼େନେ, ଉପଦେସ୍ ବାରି ଗ୍ୟାନ୍ବିନେ କାମ୍ ଡିଙ୍ଗ୍ଲାଲାପା । 14 ମଣ୍ଡଲିନେ ମ୍ନା ନେତାଇଂ ଆନାକେ ଇସ୍ପର୍ନେ ସାମୁଆଁ ଆଃଅଁଚେ ପେନେ ଆଡ଼ାତ୍ରା ନ୍ତି ବକ୍ନେ ବେଲା ପେ ଆଣ୍ଡିନେ ଆତ୍ମିକ ବପୁ ବାପେଲେକେ, ଆମେକେ ଆବଃ ଆବିଃଗ୍ପା । 15 ନେଙ୍ଗ୍ ଗୁଆର୍ ବିଃକ୍ନେ ସାପା ବିସୟ୍ ମନ୍ ଦ୍ୟାନ୍ ବିଚେ ପାଲନ୍ ଡିଙ୍ଗ୍ ନ୍ସା ଅବ୍ୟାସ୍ ଡିଙ୍ଗ୍ପା । ଇଡ଼ିଙ୍ଗ୍ ପେନେ କାମ୍ ଆଣ୍ଡେଙ୍ଗ୍ ସାପା ଆଡ଼ାତ୍ରା ତରକ୍ ଲାଃଲାପା । 16 ନିଜର୍ ଗ୍ୟାନ୍ ନ୍ସା ତରକ୍ ଲାଃଲାପା ଏନ୍ ସାପା କାମ୍ ଡିଙ୍ଗ୍ ଲାଃଲାପା । ଡାଗ୍ଲା ଆତାନ୍ ଡିଙ୍ଗ୍ଲା ପେ ନିଜେନେ ମୁକ୍ତି ବାରି ପେ ବିନ୍ଣ୍ଡ୍ରେ ମୁକ୍ତି ସାଇଜ ଡିଙ୍ଗ୍ ପେୟାଏ ।
Publicidade