ମେଣ୍ଡାତୁର୍ତ୍ୟାରେ ବାରି ମେଁନେ ପ୍ଲାୱେଣ୍ଡ୍ରେ
1 ୧୪:୧ ପ୍ରକାସିତ୍ ୭:୩. ତେନ୍ଇଡ଼ିଂ ନିଂ ଙ୍କେକେ ଉଂମେଣ୍ଡା ସିୟୋନ କଣ୍ଡା ଆଡ଼ାତ୍ରା ତୁଆଁ ଲେଃକେ । ମେଁ ଏତେ ୧୪୪,୦୦୦ ରୁଆ ରେମୁଆଁ ଲେଃଆର୍ଗେ । ମେଁଇଂନେ କାପାଲେ ଉଂମେଣ୍ଡା ଆରି ମେଁନେ ଆବାଡ଼େନେ ମ୍ନି ଗ୍ନୁଆର୍ ଲେଃଗେ । 2 ତେନ୍ଇଡ଼ିଂ ନିଂ ଙକେ ବୁରାଣ୍ଡିଆଃ ଆରି ଗଡ଼୍ଗଡ଼ି ସୁଗୁଆ କିତଂବାନ୍ ମୁଇଂ ସବ୍ଦ ପାଙ୍ଗ୍କେ । ବଗ୍ଡେଙ୍ଗ୍ରେଇଂ ବଗ୍ଡିଂକ୍ନେ ବିନା ସବ୍ଦ ସୁଗୁଆ ଣ୍ଡିଗ୍ ଆତେନ୍ ନ୍ନାଂଡିଂଗେ । 3 ବାରି ଦର୍ତନିବାନ୍ ଚାକର୍ ଆତେନ୍ ୧୪୪,୦୦୦ କିତଂ ସିଂଆସନ ଅଁକ୍ଲିଗ୍ ଜିବ୍ ଆରି ମଣ୍ଡଲିନେ ବୟସ୍କ ନେତାଇଂନେ ଡାଗ୍ରା ତୁଆଁକେ । ମେଁଇଂ ତ୍ମି ଅସ୍ମାର୍ ସାର୍ ଡିଂଆର୍ଗେ । ଆମେଇଂକେ ଆନ୍ତାର୍ଚେ ବିନ୍ ଜାଣ୍ଡେ ଆତେନ୍ ଅସ୍ମାର୍ ସାର୍ନେ ୟା ଆଡିଂଆର୍ଗେ । କ୍ଲିଗ୍ଡାନେ ରେମୁଆଁ ଜାତି ବିତ୍ରେବାନ୍ ମୁଇଂ ଆତେନ୍ଣ୍ଡ୍ରେ ଉଦାର୍ ବାଲେଃଆର୍ଗେ । 4 ମେଁଇଂ ସେଲାମ୍ବୁଏଇଂ ଏତେ ନିଜେ ନିଜ୍କେ ଅଡ଼ାରେଗ୍ ଡିଂ ଆବଆର୍ଗେ ଣ୍ଡୁ, ଡାଗ୍ଲା ମେଁଇଂ ପବିତ୍ର । ମେଁଇଂ କାଲାଆଃ ଉଂମେଣ୍ଡାନେ ପ୍ଲା ୱେଡିଂଆର୍ଗେ । ମେଁଇଂ ରେମୁଆଁଇଂନେ ବିତ୍ରେବାନ୍ ପର୍ତୁମ୍ ଉଦାର୍ ବାଚେ ଇସ୍ପର୍ ଆରି ଉଂମେଣ୍ଡାନେ ଡାଗ୍ରା ଡୁସ ଲେଃଆର୍କେ । 5 ମେଁଇଂ ଅଃନାଡିଗ୍ ନାଲେ ବାସଙ୍ଗ୍ନେ ତ୍ନା ଆଲେଆର୍ଗେ ମେଁଇଂନେ ଦସ୍ ଣ୍ଡୁ ।