ତ୍ମି କିତଂ ଆରି ତ୍ମି ଦର୍ତନି
1 ୨୧:୧ ୨ ପିତର ୩:୧୩. ସାରାସାରିବେଲା ନିଂ ମୁଇଙ୍ଗ୍ ତ୍ମି କିତଂରାଜି ଆରି ତ୍ମି ଦର୍ତନି ଙ୍କେକେ । ବାୱିର୍ କିତଂ ବାୱିର୍ ଦର୍ତନି ଆରି କେଣ୍ଡିଆଃ ବୁଃଡ଼ି ୱେଗେ । 2 ବାରି ମୁଇଙ୍ଗ୍ ପବିତ୍ର ଇନି ତ୍ମି ଯିରୂଶାଲମ ସେଲା ବେସ୍ରେ ଆର୍ମେଚେ କିତଂବାନ୍ ଇସ୍ପର୍ନେ ଡାଗ୍ରାବାନ୍ ଦର୍ତନି ଆଡ଼ାତ୍ରା ଜାର୍ନେ ଙ୍କେକେ । 3 ବାରି କିତଂ ସିଂଆସନବାନ୍ ମୁଇଙ୍ଗ୍ ସାମୁଆଁ ନ୍ନାଂକେ: "ଏଃକେ ଇସ୍ପର୍ନେ ବାସାନେ ରେମୁଆଁଇଂନେ ବିତ୍ରେ; ମେଁ ମେଁଇଂନେ ଏତେ ବାସାଏ ବାରି ମେଇଂ ମେଁନେ ନିଜର୍ ରେମୁଆଁ ଡିଂଆର୍ଏ । ଇସ୍ପର୍ ମେଁଇଂନେ ଏତେ ବାସାଏ ଆରି ମେଁଇଂନେ ଇସ୍ପର୍ ଡିଂଆର୍ଏ । 4 ମେଁ ମେଁଇଂନେ ମ୍ମୁଆଁନେ ଡେଃମୁଆଁ ସାପା ଚୁଃବିଏ । ଗୁଏଃନେ ଦୁକ୍ ଅଃନେ ଣ୍ଡୁଲା ଦୁକା ଆରି ମେଃଡିଗ୍ ଆଲେଃ ଣ୍ଡୁ । ସର୍ତେ ବାୱିର୍ ବିସଏ ବଃ ୱେଲେଃକେ ।"