5 ତେନ୍ଇଡ଼ିଂ ବୟସ୍କ ନେତାଇଂ ବିତ୍ରେବାନ୍ ମୁଇଂଡା ଆନିଂ ସାନ୍ତି ଆଡିଂଚେ ବାସଙ୍ଗ୍କେ "ଆଅଃଗେ କେଲା ! ଦାଉଦନେ ମ୍ନା ବଂସଇଂ ଜିହୁଦା ରେମୁଆଁନେ ସିଂଅ ଜିତେଚେ ପାଙ୍ଗ୍ଲେଃଆର୍କେ; ମେଁ ଆକେନ୍ ଗୁକ୍ଲିଗ୍ ଜାକ ସିଲ୍ ପାକ୍ଚିଚେ ସାସ୍ତର୍ ରଃଡ଼ାନ୍ସା ବପୁ ଲେଃକେ ।"
6 ତେନ୍ଇଡ଼ିଂ ସିଂଆଁସନନେ ମଜେ ସିସେନେ ଅଁକ୍ଲିଗ୍ ଜିବ୍ ଆରି ବୟସ୍କ ନେତାଇଂନେ ଡାଗ୍ରା ମୁଇଂ ଉଂମେଣ୍ଡାକେ ତୁଆଁ ଲେଃକ୍ନେ ଙ୍କେକେ । ମେଣ୍ଡାତୁର୍ତ୍ୟାରେ ଗୁଏ ଲେଃକ୍ନେ ସୁଗୁଆ ମନେ ଡିଂଆର୍କେ । ମେଁନେ ଗୁକ୍ଲିଗ୍ ଡିରଂ ଆରି ଗୁକ୍ଲିଗ୍ ମ୍ମୁଁଆଃ ଲେଃଗେ । ଆତେନ୍ ମ୍ମୁଆଃଇଂ କ୍ଲିଗ୍ ଦର୍ତନିନ୍ନିଆ ବେବକ୍ନେ ଇସ୍ପର୍ନେ ଗୁକ୍ଲିଗ୍ ଆତ୍ମା । 9 ମେଁଇଂ ମୁଇଂ ତ୍ମି ଅସ୍ମାର୍ ସାର୍ଡିଂଆର୍ଗେ:
"ସାସ୍ତର୍ ସାଃଚେ ମେଁନେ ସିଲ୍ ପାକ୍ଚିନ୍ସା ନା ଆଃ ନିମାଣ୍ଡା ରେମୁଆଁ ।
ଡାଗ୍ଲା ନାଁ ଚିନାବାନା ଡିଂନାଲେଃଗେ
ବାରି ନାଁନେ ଗୁଏନେ ବାନ୍ ସାପା ରେମୁଆଁ ବ୍ନାସାଣ୍ଡ୍ରେ ରାଜି
ଆରି ଜାତି ବିତ୍ରେବାନ୍ ଇସ୍ପର୍ନେ ନ୍ସା ରେମୁଆଁଇଂକେ ବିଆର୍ ନାବକେ ।