12 ଗାଲିୟୋ ଆଖାୟାନେ ରୋମୀୟ ସାସନ୍ ଡିଙ୍ଗ୍ଣ୍ଡ୍ରେ ଲେଃକ୍ନେ ବେଲା ଜିଉଦିଇଂ ମୁଇଂତୁଗ୍ ରିସିଙ୍ଗ୍ଚେ ପାଉଲ୍କେ ସାଃଆର୍ଚେ ବିଚାର୍ ଡୁଆ ଡୁଙ୍ଗ୍ୱେଆର୍କେ । 13 ମେଇଂ ବାଲିର୍କେ "ଆକେନ୍ ରେମୁଆଁନେ ନିୟମ୍ ବିରୁଦ୍ରେ ଇସ୍ପର୍ନେ ପାର୍ତନା ଡିଂନେନ୍ସା ରେମୁଆଁଇଂକେ ଆଃମ୍ୟାଃଡିଂଆର୍କେ ।"
14 ପାଉଲ୍ ମ୍ୱାଇର୍ଏ ଡାଗ୍କ୍ନେ ବେଲା ଗାଲିୟୋ ଜିଉଦିଇଂକେ ବାଲିର୍କେ, "ଜଦି ଆକ୍କେ ମେଃଡିଗ୍ ଦସ୍ ବା ଅପରାଦ୍ନେ ସାମୁଆଁ ଲେଃଏ, ତେଲା ନା ଆଡ଼ାତ୍ରା ବୁଂ ଲେଃଚେ ନା ସାମୁଆଁ ଅଁଚେ ବାଲିର୍ ବାତା ପାଡିଂ । 15 ମାତର୍ ପେ ବିଦିନ୍ନିଆ ଗୁଆର୍ବକ୍ନେ ବ୍ନାଲିର୍ ଆରି ମ୍ନି ବିରୁଦ୍ରେ ଆକେନ୍ କିରମର ଡିଂଲେଃଗେସା ପେ ନିଜେ ନିଜେ ଆକ୍ମେନେ ସମାଦାନ୍ ଡିଂପା । ଏନ୍ ସାପା ବିସୟ୍ରେ ନେଙ୍ଗ୍ ମେଃଡିଗ୍ ବିଚାର୍ ନାଡିଂ ଣ୍ଡୁ ।" 16 ଅଃକେନ୍ ବାଲିର୍ଚେ ମେଁ ଆମେଇଂକେ ବିଚାର୍ ଡୁଆ ବେବିଃଆର୍ଗେ । 17 ମେଇଂ ସର୍ତେରେ ପାର୍ତନା ଡୁଆନେ ମ୍ନାନେତା ସସ୍ଥିନାକେ ସାଚେ ବିଚାର୍ ଡୁଆ ଡାଗ୍ରା ବଗ୍ଆର୍କେ । ମାତର୍ ଗାଲିୟୋ ଅଃତେନ୍ ସାପା ସାମୁଆଁ ବିତ୍ରେ ମନ୍ ଆବିଃକେ ଣ୍ଡୁ ।