21 ମାର୍ଥା ଜିସୁକେ ବାସଙ୍ଗ୍ଡିଂକେ "ମାପ୍ରୁ ନା ଆକ୍ ନାଲେଲା; ନେବୟାଁ ଆଗୁଏଃ ପାଡିଂ । 22 ମାତର୍ ନେଙ୍ଗ୍ ମ୍ୟାନ୍ଲେକେ ଏଃକେ ଡିଗ୍ ନାନେ ଇସ୍ପର୍କେ ମେଁନେ ନାସେଲ୍ୟାଏ ମେଁ ଆତେନ୍ ବିଏ ।"
23 ଜିସୁ ଆମେକେ ବାସଙ୍ଗ୍କେ, "ନାବୟାଁ ପାରାନ୍ ବାଚେ ତଡ଼ିଆଏ ।"
24 ମାର୍ଥା ଉତର୍ ବିକେ "ଆତେନ୍ ତ ନେଙ୍ଗ୍ ମ୍ୟାନ୍ଲେକେ ଜୁଗ୍ ଡାନେ ଦିନା ବାରି ମୁଇଂତର୍ ମେଁ ତଃଡ଼ିଆଏ ।"
25 ଜିସୁ ବାସଙ୍ଗ୍କେ "ନେଙ୍ଗ୍ ଗୁଏଚେ ବାରି ମୁଇଂତର୍ ମ୍ୱ୍ରଏ ଆରି ଜିବନ୍ ଣ୍ଡିଙ୍ଗ୍ଏ । ଜା ନେଙ୍ଗ୍ ଡାଗ୍ରା ସତ୍ ମାନେଏ ମେଁ ଗୁଏଲା ଡିଗ୍ ମ୍ବ୍ରଏ । 26 ଜା ଆନେଙ୍ଗ୍ ଜିବନ୍ ଲେଃକେ ଡାଗ୍ଚେ ସତ୍ ମାନେଃଏ ମେଁ ଅଃନା ଡିଗ୍ ଆଗୁଏଣ୍ଡୁ ଏନ୍ ସାମୁଆଁନିଆ ମେଃନେ ସତ୍ ମାନେଃ ପେଡିଙ୍ଗ୍ ?"
27 ମାର୍ଥା ଉତର୍ ବିକେ, "ଅ ମାପ୍ରୁ ନେଙ୍ଗ୍ ବିସ୍ବାସ୍ ଡିଂଣ୍ଡିଂ, ନା ଇସ୍ପର୍ନେ ଉଙ୍ଗ୍ଡେ । ଜା ମସିହ ଦର୍ତନିନ୍ନିଆ ପାଙ୍ଗ୍ନେ ଲେଃଗେ ନା ମେଃନେ ଆତେନ୍ କିସ୍ଟ ।"