ରାଃଚ୍ୟାନ୍ନିଆ ମେଃଡିଗ୍ ଆଲେଃଗେ ଣ୍ଡୁ
1 ସାନ୍ତାକାଲା ଞ୍ଜିର୍ନୁଗ୍ ମଗ୍ଦଲୀନି ମରିୟମ୍ ଜିସୁକେ ଆତିବକ୍ନେ ଡାଗ୍ରା ୱେଚେ କେକେ ରାଃଚ୍ୟାନ୍ନିଆ ଡାବକ୍ନେ ବ୍ରି ଗୁଚେ ୱେଲେଃଗେ ।
11 ପାଦା ତୁଆଁଚେ ମରିୟମ୍ ଅଃନେ ମୁଲେକେ । ଅଃ ଅଃଚେ ରାଃଚ୍ୟା ବିତ୍ରେ ବ୍ରିଙ୍ଗ୍ଚେ କେକେ ।
14 ଏନ୍ ବାସଙ୍ଗ୍ଚେ ମରିୟମ୍ ପ୍ଲେଗ୍ଚେ କେକେ ମେଁନେ ପ୍ଲାପାକା ଜିସୁ ତୁଆଁ ଲେଃଗେ । ମାତର୍ ଆତେନ୍ ବେଲା ମେଁ ଆମେକେ ସାମୁଆଁ ଆୟାକେ ଣ୍ଡୁ ।
16 ଜିସୁ ଆମେକେ ୱାକେ "ମରିୟମ୍ !" ମରିୟମ୍ ମେଁ ପାକା ତାମୁଚେ ବାସଙ୍ଗ୍କେ "ରାବ୍ବୂନୀ" ଏବ୍ରୀ ବ୍ନାସାରେ ଆକେନ୍ ଅର୍ତ ଗୁରୁ ।
17 ଜିସୁ ବାସଙ୍ଗ୍କେ "ଆନେଙ୍ଗ୍କେ ସାଚେ ଆବଗେ ଡାଗ୍ଲା ନେଙ୍ଗ୍ ଏଃ ଜାକ ନେଙ୍ଗ୍ନେ ଆବା ଡାଗ୍ରା ନ୍ନାୱେକେ ଣ୍ଡୁ । ନେଙ୍ଗ୍ନେ ବୟାଁଇଂ ଡାଗ୍ରା ୱେଚେ ବାସଙ୍ଗ୍ ନେଙ୍ଗ୍ନେ ଆବା ଆରି ପେନେ ଆବା ନେଙ୍ଗ୍ନେ ଇସ୍ପର୍ ଆରି ପେନେ ଇସ୍ପର୍ ଡାଗ୍ରା ନେଙ୍ଗ୍ ୱେଣ୍ଡିଙ୍ଗ୍କେ ।"
18 ଜିସୁ ଡିରକମ୍ ଆମେକେ ଦର୍ସନ୍ ବିବଗେ ଆରି ମେଃ ମେଃନେ ବାସଙ୍ଗ୍ ବଗେ, ନିଂ ମାପ୍ରୁକେ ଙ୍କେକେ ଡାଗ୍ଚେଃ ମଗ୍ଦଲୀନି ମରିୟମ୍ ୱେଚେ ସାପା ସାମୁଆଁ ସିସ୍ଇଂକେ ଆମ୍ୟାଃବିକେ ।
ଜିସୁ ସିସ୍ଇଂକେ ଦର୍ସନ୍ ବିକେ
(ମାତିଉ ୨୮:୧୬-୨୦; ମାର୍କ ୧୬:୧୪-୧୮; ଲୁକ୍ ୨୪:୩୬-୪୯)