ଜିସୁ ଆରି ନୀକଦୀମ
1 ପାରୁସିଇଂନେ ବିତ୍ରେ ନୀକଦୀମ ମ୍ନିକ୍ନେ ମୁଇଙ୍ଗ୍ ଜିଉଦି ନେତା ଲେଃକେ । 2 ମେଁ ମିଡିଗ୍ ବେଲା ଜିସୁନେ ଡାଗ୍ରା ପାଙ୍ଗ୍ଚେ ଜିସୁକେ ବାସଙ୍ଗ୍କେ, ଏ ଗୁରୁ ନାଁ ଜେ ଇସ୍ପର୍ବାନ୍ ପାଙ୍ଗ୍ଲେଃକ୍ନେ ଆରି ମୁଇଙ୍ଗ୍ ଗୁରୁ ଆକେନ୍ ନେ ସାପାରେ ମ୍ୟାନେଲେକେ, ଡାଗ୍ଲା ନାଁ ଆକେନ୍ ସାପା ଇରିଆତୁଗ୍ କାମ୍ ଡିଙ୍ଗ୍ନାବକେ, ଇସ୍ପର୍ ଏତେ ଆଲେଃଲା ଆତେନ୍ ସାପା ଜାଣ୍ଡେ ଡିଙ୍ଗ୍ ଆୟା ଣ୍ଡୁ ।
3 ଜିସୁ ଆମେକେ ଉତର୍ ବିଃକେ ନେଙ୍ଗ୍ ଆନାକେ ସତ୍ ବାସଙ୍ଗ୍ଣ୍ଡିଂ, ରେମୁଆଁ ଆରି୩:୩ ବ୍ରୁଆ ଲେଃକେଲା ଆଃ ମନ୍କେ ଆବଦ୍ଲେଚେ ଜନମ୍ ଡିଙ୍ଗ୍ନେ ବାର୍ମୁଇଂତର୍ ତଃଡ଼ିଆନେ ଡାଗ୍ଚେ ବାସଙ୍ଗ୍ମ୍ୟାଃକେ । ବା ଇସ୍ପର୍ବାନ୍ ପାଙ୍ଗ୍ନେ ଜନମ୍ । ମୁଇଂତର୍ ଜନମ୍ ଆପାଙ୍ଗ୍ଲା ଜାଣ୍ଡେ ଇସ୍ପର୍ନେ ରାଇଜ୍ କିକେ ଆୟା ଣ୍ଡୁ ।
4 ନୀକଦୀମ ଜିସୁକେ ସାଲିଆକୁକେ, ଡକ୍ରା ଡିଙ୍ଗ୍ଲା ରେମୁଆଁ ଡିରକମ୍ ଜନମ୍ ଡିଙ୍ଗ୍ ୟାଏ ? ମେଁ ମେଁନେ ମ୍ବାର୍ତର୍ ନିଜର୍ ଇୟାଙ୍ଗ୍ ସୁଲୁଏ ବିତ୍ରେ ଗାଚେ ଆରି ମୁଇଂତର୍ ଜନମ୍ ଡିଙ୍ଗ୍ ୟାଏ ।
5 ଜିସୁ ଉତର୍ ବିଃକେ, "ସତ୍ ସତ୍ ନେଙ୍ଗ୍ ଆପେକେ ବାଲିର୍ଣ୍ଡିଂ, ଣ୍ଡିଆ ବାରି ଆତ୍ମାବାନ୍ ଆରି ମୁଇଂତର୍ ଜନମ୍ ଆଡିଙ୍ଗ୍ଲା ଜାଣ୍ଡେ ଇସ୍ପର୍ନେ ରାଜିନ୍ନିଆ ୱେଚା ଆୟା ଣ୍ଡୁ । 6 ଗାଗ୍ଡ଼େବାନ୍ ଆଣ୍ଡିନେ ଜନମ୍ ଆତେନ୍ ଗାଗ୍ଡ଼େ; ଆତ୍ମାବାନ୍ ଆଣ୍ଡିନେ ଜନମ୍ ଆତେନ୍ ଆତ୍ମା । 7 ସାପାରେକେ ଆରି ମୁଇଂତର୍ ଜନମ୍ ଡିଙ୍ଗ୍ନେ ପଡ଼େଏ ଡାଗ୍ଚେ ନେଙ୍ଗ୍ ଆଣ୍ଡିନେ ବାଃଲିର୍ଣ୍ଡିଂ ଆତେନ୍ ଇରିଆତୁଗ୍ ଆଡିଙ୍ଗେପା । 8 ୱେଡ଼ିୟା ଆଣ୍ଡିପାକା ଇକ୍ଚା ଆତେନ୍ ପାକା ୱେଏ । ପେ ମାତର୍ ମେଁନେ ସାମୁଆଁ ଅଁପେୟାଏ ଡାଗ୍ଲା ଆତେନ୍ ଆଣ୍ଡିବାନ୍ ପାଙ୍ଗ୍ଏ ଆରି ଆଣ୍ଡିପାକା ୱେଡିଙ୍କେ ବାଲିର୍ ପେୟା ଣ୍ଡୁ । ଆତ୍ମାବାନ୍ ଜନମ୍ ସାପା ରେମୁଆଁ ଦେତ୍ରକମ୍ ।"
9 ନୀକଦୀମ ଜିସୁକେ ସାଲିଆକୁକେ "ଆତେନ୍ ଡିରକମ୍ ଡିଙ୍ଗ୍ଏ ।"
10 ଜିସୁ ନୀକଦୀମକେ ବାଲିର୍କେ "ନାଁ ଇଶ୍ରାୟେଲନେ ମୁଇଙ୍ଗ୍ ଗୁରୁ ଡିଂଚେ ଆକେନ୍ ସାମୁଆଁ ନାମ୍ୟାକେ ଣ୍ଡୁ କି ?