25 ମେଃସୁଆ ସାସ୍ତ୍ରିଇଂ ନିଅମ୍ ଅନୁସାରେ ପବିତ୍ର ଡିଙ୍ଗ୍ନେ ବିସୟ୍ରେ ଜହନ୍ନେ ସିସ୍ଇଂ ମୁଇଙ୍ଗ୍ ଜିଉଦି ରେମୁଆଁ ଆଃତେ ବାଲିର୍ବାତା ଡିଙ୍ଗ୍ଆର୍କେ । 26 ବାରି ସିସ୍ଇଂ ଜହନ୍ନେ ଡାଗ୍ରା ୱେଚେ ଜହନ୍କେ ବାସଙ୍ଗ୍କେ "ଏ ଗୁରୁ ଜା ଯର୍ଦ୍ଦନନେ ଇନୁମେତା ନାଁ ଆଃତେ ଲେଃକେ ଜାଣ୍ଡେନେ ବିସୟ୍ରେ ନାଁ ବ୍ନାଲିର୍ ବାଲିର୍ ନାବକେ କେଲାନି ମେଁ ଦିକ୍ୟା ବିଃଡିଂକେ ଆରି ସାପାରେ ମେଁନେ ଡାଗ୍ରା ୱେଡିଙ୍ଗ୍ ଆର୍କେ ।"
27 ଜହନ୍ ଉତର୍ ବିଃକେ, "ଇସ୍ପର୍ ଆବିଲା, ରେମୁଆଁ ମେଃଡିଗ୍ ଆବା ଣ୍ଡୁ । 28 ୩:୨୮ ଜହନ୍ ୧:୨୦.ନେଙ୍ଗ୍ ବାଲିର୍ ମ୍ୱକେ ସାମୁଆଁ ନେଙ୍ଗ୍ କିସ୍ଟ ଣ୍ଡୁ ନେଙ୍ଗ୍ ମାତର୍ ମେଁଇଂନେ ସିସେନେ ଦୁତ୍ ରକମ୍ ପାଙ୍ଗ୍ ନ୍ଲେଃକେ । ଆକେନ୍ ନେଙ୍ଗ୍ ବାସଙ୍ଗ୍ମ୍ୱକେ ଡାଗ୍ଚେ ପେଇଂ ନିଜେ ନିଜେ ସାକି । 29 ଜାଣ୍ଡେ ସେଲା ଗ୍ରଅନ୍ ଡିଙ୍ଗ୍ଏ ମେଁ ଙ୍ଗିରେ ଡାଗ୍ଲା ଡାଗ୍ରା ତୁଆଁ ଲେଃକ୍ନେ ଙ୍ଗିରେନେ ରେମୁଆଁ ମେଁ ସାମୁଆଁ ଅଁଚେ ସାର୍ଦା ଡିଙ୍ଗ୍ଏ ଆକେନ୍ ଜାବର୍ ସାର୍ଦା ନେଙ୍ଗ୍ ଏବେ ବାଣ୍ଡିଂକେ । 30 ଆମେକେ ଡିଲାଡିଗ୍ ମ୍ନା ଡିଙ୍ଗ୍ଲେ ଡାଗ୍ଲା ଆନେଙ୍ଗ୍ ଗଣ୍ଡା ଡିଙ୍ଗ୍ନେ ପଡ଼େଏ ।"