ପାପ୍ ଡିଙ୍ଗ୍ନେ ବାନ୍ ଆଣ୍ଡେପା ଣ୍ଡୁଲା ପେଗୁଏଃଏ
1 ଆତେନ୍ ବେଲା ଉଡ଼ି ରେମୁଆଁ ପାଙ୍ଗ୍ଚେ ପିଲାତ ଆଣ୍ଡିନେ ଗାଲିଲୀୟଇଂନେ ମ୍ୟା ମେଁଇଂନେ ପୁଜା ମ୍ୟା ଆଃତେ ଆଃମିସେବକେ, ମେଇଙ୍ଗ୍ନେ ବିସୟ୍ରେ ଆମେଇଂକେ ଆଃମ୍ୟାଃକେ । 2 ଆତ୍ବାନ୍ ଜିସୁ ଆମେଇଂକେ ଉତର୍ ବିକେ ଆକେନ୍ ସାପା କସ୍ଟ ବା ପେଡିଙ୍ଗ୍କେସା ଆକେନ୍ ଗାଲିଲୀୟଇଂ ବିନ୍ ସାପା ଗାଲିଲୀୟଇଂନେ ବାନ୍ ଜବର୍ ପାପି ଡାଗ୍ଚେ ପେ ସାପାରେ ବାବେ ପେଡିଙ୍ଗ୍କେ ? 3 ନେଙ୍ଗ୍ ଆପେକେ ବାସଙ୍ଗ୍ଣ୍ଡିଂ, ନାନେ ଜଦି ପାପ୍ବାନ୍ ମନ୍କେ ପେବଦ୍ଲେଲା ପେଇଂ ସାପାରେ ଦେତ୍ରକମ୍ ନଷ୍ଟ ପେଡିଙ୍ଗ୍ଏ । 4 ଶୀଲୋହନେ ଆତେନ୍ ଆଣ୍ଡିନେ ଗୁଆତ୍ମା ରେମୁଆଁ ଆଡ଼ାତ୍ରା ଉର୍ନେ ଡୁଆ ଲଃଚେ ମେଁଇଂନେ ପାରାନ୍ ନଷ୍ଟ ଡିଙ୍ଗ୍ଗେ ମେଇଂ ସାପାରେ ଯୀରୂଶାଲମ୍ ରେମୁଆଁଇଂନେ ବାନ୍ ଜବର୍ ପାପିଇଂ ଡାଗ୍ଚେ କି ପେ ସାପାରେ ବାବେପେଡିଂ ? 5 ନେଙ୍ଗ୍ ଆପେକେ ବାସଙ୍ଗ୍ଣ୍ଡିଂ, ଡାଗ୍ଲା ମନ୍କେ ପେରାଃବଦ୍ଲେଲା ପେ ଡିଗ୍ ସାପାରେ ଦେତ୍ରକମ୍ ପେଗୁଏଃଏ ।